شركة اسمها Indiana Bell Telephone الشركة دي بتقدم خدمات التليفونات زي WE كده ..

اشترت مبنى شركة تانيه اسمها Central Union Telephone Company .. الشركة دي كان عندها نوايا انها تهدم المبني اللي اشترته وتبدأ تبني مقر أكبر بكثير في نفس الموقع .. لوازم التوسع وكده .. المبني اللي تم بيعه من شويه ده تم تأسيسة في الأصل سنه 1907 وطبعا زيه زي أي حاجه عالارض جه عليه الوقت عشان يتم تحديثه وياخد طابع عصري يمشي مع الموضة زي ما بيقولوا .. طيب دلوقتي في مشكله كبيرة لو تم هدم المبني دلوقتي بالتالي خدمة التليفون في المدينة هتتقطع ومصالح الناس ومصالحنا معاهم هتتعطل ودا طبعا حاجه مكنتش مقبولة عما يطلعوا بالمبني الجديد .. إية الحل ؟ مهندس اقنعهم انه عنده خطة تانيه واقترح أنه بدل ما نهد المبني يتنقل للجزء الخلفي من الأرض ونوسع للمبنى الجديد اللي هنعمله علي الواجهة .. وبرغم خطورة الكلام وكم التحديات اللي هتواجهم عشان ينفذوا الفكرة المجنونة دي اتشجعوا جدا وزي ما تقول كده ما صدقوا لقوا حل وقاموا كلفوا فونيغوت بمتابعة وتخطيط عملية النقل .. تفاصيل اكتر في الفيديو

اشترك في القناة من هنا و تابع كل فيديوهاتنا أول ما تنزل https://bit.ly/38AYD3J

#hablas

#حبلص